Avilés Acción Film Festival abre les inscripciones pal so primer taller de “pitching”

Avilés Acción Film Festival abre les inscripciones pal so primer taller de “pitching”
11 abril 10:19 2018 Imprimir

Del 9 d’abril al 24 de mayu al traviés de www.avilesaccion.com Avilés Acción Film Festival abre les inscripciones para’l so primer taller de “pitching”.

Impartíu pola actriz Ruth Gabriel, ta dirixíu a productores, guionistes y directores que tengan una idea de guión o un proyectu en desenvolvimientu. Va Constar de 2 díes de taller (30 y 31 de mayu) y una xornada de PitchBox (esposición a un xuráu profesional) el 1 de Xunu. L’oxetivu ye que los participantes llogren conocer y analizar el potencial de los sos guiones coles mires de poder promocionar, presentar y vender los sos proyectos

Conocezse con esti términu al procesu de preparación y presentación d’una idega pa una película o serie de televisión, xeneralmente fecha por un guionista o director a un productor o executivu del estudiu, cola esperanza d’atraer financiamientu de desenvolvimientu para costear la escritura d’un guión.

Col focu puestu nel desenvolvimientu del potencial audiovisual asturianu, Avilés Acción trai esta oportunidá pa los y les profesionales del sector que tengan un proyectu ente manos y quieran vendelo, dándo-yos les ferramientes necesaries p’algamar l’ésitu.

Ruth Gabriel, actriz y fundadora d’ECU (Estratexes de Comunicación Oral), va aterrizar n’Avilés dende’l 30 de mayu hasta’l 1 de xunu, pa desenvolver esti taller. Va Tener llugar na Factoría Cultural, con un aforu máximu de 15 alumnes/vos que pueden realizar les sos inscripciones dende’l 9 d’abril y hasta el 24 de mayu al traviés de la web del festival (www.avilesaccion.com). El costu del taller va ser de 20 euros pa los participantes y de 10 euros p’aquelles/vos comenenciudes/vos n’allegar como oyentes. La forma de pagu va indicáse-yos una vegada confírmense les places.

L’alumnáu que participe nel taller, pa lo cual ye necesario llevar un proyectu, va poder presentar el so trabayu énte un xuráu profesional (lo que se conoz como PitchBox) que va valorar cada intervención. Darréu va escoyer el meyor proyectu, que va ser dotáu d’un premiu de 500 euros otorgáu pola prestixosa productora Yadira Ávalos, amás d’un añu de distribución gratuita al traviés de la plataforma Festhome.

Más información

  Categories: