Australia prohibe la entrada a Chris Brown por violentu

Chris Brown nun va recibir el permisu pa realizar una xira per Australia como tenía previstu faer el próximu avientu por cuenta de la so condena por afrellar a la estrella de pop Rihanna.

Brown, que ganó un Grammy en 2012 al meyor álbum de R&B con FAME, tien previstu celebrar una serie de conciertos n’avientu, pero’l grupu activista GetUp ta faciendo campaña en contra del cantante, que foi escluyíu d’otros países, ente ellos Reinu Uníu y Canadá. El gobiernu australianu nun quier recibir a dente condergao por maltratos y violencia de xéneru.

Con un historial de continues ides y veníes a les comisaries, l’intérprete abandonó per últimu vegada la cárcel californiana en xunu de 2014 en cumpliendo 108 de los 131 díes nos que se quedó la so condena por violar la so llibertá condicional en siendo teníos en cuenta los 116 díes que pasó nun centru de desintosicación y los 59 que tuvo ente rexes a la espera de xuiciu.

Tamién hai duldes sobre si va concedése-y a Brown permisu d’entrada en Nueva Zelanda pa otres actuaciones. La so situación oblíga-y a solicitar una visa especial, y hasta agora nun lo fixo.