Aurora Bermúdez espubliza’l llibru infantil “Como el can y el gato”

01 xunu 08:56 2009 Imprimir

La escritora d’A Caridá, ta acabante espublizar el llibru infantil n’eonaviegu “Como el can y el gato”, con ilustraciones de Neto. La obra publícala l’Academia de la Llingua Asturiana al traviés de la Secretaría Llingüística del Navia-Eo.

Esta ye la sétima obra infantil espublizada dientro de la colección «Os Llibros d’Entrambasauguas», qu’axunta lliteratura en gallego-asturianu pa toles edaes.

Bermúdez Nava ye profesora d’educación primaria con bien d’esperiencia nel enseñu del asturianu y del gallego-asturianu. Ganó nel añu 2006 el XVI Premio Xeira de narracióis curtias col rellatu «Tempo de dolor» y tien espublizaes collaboraciones lliteraries nes revistes Entrambasauguas y Lletres Lliterariu.

  Categories:
Loading Facebook Comments ...