Portada Conceyos Aules Populares d’Avilés ufierta 56 cursos, con 9 novedaes, hasta mayu

Aules Populares d’Avilés ufierta 56 cursos, con 9 novedaes, hasta mayu

by redacción asturnews

Aules Populares d’Avilés va ufiertar un total de 56 cursos, con 9 novedaes, hasta mayu. El plazu de matrícula abríase esti llunes 10 de febreru, al traviés del Serviciu d’Atención Ciudadana y d’Internet y les  clases empiecen el 17 de febreru y rematen en mayu, con 599 places pa mayores de 16 años.

El segundu cuatrimestre de la XXXIV edición de les Aules Populares d’Avilés va desenvolvese dende esti mes de febreru hasta mayu, con una ufierta formativa de 56 cursos, de los que 9 son novedaes. El plazu de matrícula, tantu presencial, al traviés del Serviciu d’Atención Ciudadana, como online, dende la web www.aviles.es/TSAviles, ábrese esti llunes 10 de febreru.

Entamaes pola conceyalía de Cultura al traviés de la Fundación Municipal de Cultura y la Factoría Cultural, cola collaboración de la Federación Española d’Universidaes Populares, y destinaes a mayores de 16 años, hai disponibles un total de 599 places ente los distintos talleres y seminarios. Les clases van empezar el 17 de febreru. Na Factoría Cultural ufiértense 8 nuevos cursos, dos de Pilates, dos d’Usu del desfibrilador y primeros auxilios, Iniciación al bonsai, Taller de reciclaje y economía circular, Usu del teléfonu móvil, y llingua de signos. La otra novedá va ser el Taller d’Informática básica que se va impartir nel Centru Sociocultural de Los Canapés.

Los cursos de les Aules Populares d’Avilés van tener llugar na Factoría Cultural, les Antigües Escueles del Altu Vidreru, el Centru de Estudio Conde del Real Presto, el Centru Sociocultural de Llaranes, el Centru de Mayores de Les Meanes y el Centru Sociocultural de Los Canapés.

Tratase d’una importante y variada ufierta formativa estremada en delles árees de formación: Habilidaes artístiques y artesanales, Patrimoniu cultural y Artísticu, Nueves tecnoloxíes de la comunicación, Nueves tecnoloxíes de la imaxe, Idiomes y comunicación social, y Naturaleza, salú y mediu ambiente.

Les clases van desenvolver na Factoría Cultural, les Antigües Escueles del Altu Vidreru, el Centru de Estudio Conde del Real Presto, el Centru Sociocultural de Llaranes, el Centru de Mayores de Les Meanes y el Centru Sociocultural de Los Canapés.

Más información

Matrícula online faciendo clic equí

Tamién te podria gustar