Portada Conceyos “Aules a escena” tornó al escenariu del Teatru Palacio Valdés con “Burbuyes de Papel”

“Aules a escena” tornó al escenariu del Teatru Palacio Valdés con “Burbuyes de Papel”

by redacción asturnews

El miércoles 8 de mayu “Aules a escena” tornó al escenariu del Teatru Palacio Valdés con “Burbuyes de Papel”. Un programa con vocación pedagóxica y cultural entamáu pol Conceyu d’Avilés cola collaboración de la Obra Social Abanca.

El programa educativu “Aules a Escena 2019” tornó esti mes de mayu al Teatru Palacio Valdés col segundu ciclu d’obres teatrales destinaes al alumnáu de los centros d’enseñanza d’Infantil, Primaria, Secundaria y Bachilleratu d’Avilés. La primera de los dos funciones que pudieron vese foron “Burbuyes de Papel”, el martes día 7, en dos pases, a les 10 y a les 12 hores. Un espectáculu que aúna música y danza, para neñes y neños de tercer cursu d’Educación Infantil, y 1º y 2º de Primaria.

A otru día, el miércoles 8, la obra representada foi “Daos”, pa públicu adolescente, alumnáu de 3º y 4º d’ESO, y 1º y 2º de Bachiller. Y tamién en dos funciones, a les 10 y a les 12 hores. Una propuesta na que’l protagonista ye un adolescente que trabaya n’una tienda de cómics.

Entamáu pol Conceyu d’Avilés, cola collaboración de Afundación – Obra Social Abanca, “Aules a escena” aúna valores pedagóxicos y culturales que sirven de complementu a les programaciones educatives de los colexos ya institutos de la ciudá. Coles mesmes, avera’l teatru al públicu escolar, con obres afeches a los sos gustos ya intereses.

En total, pasaron pol Teatru Palacio Valdés 4.655 estudiantes de 22 colexos ya institutos d’Avilés, públicos y alcordaos. Coles dos obres d’esta selmana, de les compañíes Mucab Dans, y Ventrículu Rápidu, van ser cinco les que podríen esfrutar los alumnos de los distintos ciclos educativos (tres los trés de marzu), que van de la Enseñanza Infantil al Bachilleratu.

Más información

Tamién te podria gustar