Atopen por casualidá un cuadru de Cimabue valoráu en 6 millones d’euros

Un cuadru del maestru primitivu italianu Cimabue, del sieglu XIII, envaloráu ente 4 y 6 millones d’euros, foi atopáu nuna vivienda de la localidá francesa de Compiegne, al norte de París, onde la familia tener colgáu ente’l salón y la cocina ensin da-y mayor valor.

L’afayu foi confirmáu pol gabinete d’espertos Turquin, que lu autentificó y anunció que la obra va ser ufiertada nuna puya’l próximu 27 d’ochobre en Senlis, no que va constituyir la primer vienta d’un cuadru d’esti pintor italianu en décades.

“El Cristu burlláu”, un pequenu cuadru pintáu sobro madera d’álamu de 25,8 por 20,3 centímetros, formaba parte d’una serie de paneles nos que l’artista prerrenacentista afiguró escenes de la pasión de Cristu. Hasta agora conocíense dos d’eses escenes, xuna “Flagelación de Cristu”, caltenida na colección Frick de Nueva York, y xuna imaxe de la Virxe que ta na National Gallery de Londres.

Pal gabinete Turquín, l’atribución a Cimabue ye “evidente” pola paecencia con otres obres del maestru italianu,  de la qu’indicó que les pruebes d’infrarroxos amuesen qu’el so estáu de caltenimientu ye escelente. El cuadru llegó a la casa de puyes Actéon de manos d’una vieya que consideraba que yera un pequenu iconu ensin valor, que mientres años colgara de los murios del pasiellu que dixebra la cocina del salón de la so vivienda en Compiegne.

La muyer nun supo esplicar como la obra llegara a manos de la so familia. Actéon pidió a Turquin, especializáu en maestros antiguos, qu’analizara la obra y esti gabinete llegó a la conclusión de que pertenecía a Cimabue.