Portada Gastronomía Asturnews entrega la so cesta de navidá al ganador del sortéu, Pablo Pastor Camporro

Asturnews entrega la so cesta de navidá al ganador del sortéu, Pablo Pastor Camporro

by asturnet

El llector d’Asturnews Pablo Pastor Camporro, vecín d’Uviéu, recoyó esta mañana la cesta navidiega que’l diariu cultural sorteaba ente los sos llectores, un llote de productos gastronómicos artesanos de primer calidá ellaboraos o distribuyíos pola empresa La Payariega, firma pionera nel etiquetáu en llingua asturiana.

Depués de resultar ganador nel concursu abiertu por Asturnews, que rexistró gran participación, Pablo Pastor pondrá na so mesa navidiega un llote compuestu por turrones artesanos, sidra natural y gasificao, zumos, conserves vexetales, condimentos, fervíos, aceites, productos cárnicos, fabes, marmellaes y galletes d’ellaboración casera.

Los llectores participantes del sortéu navidiegu d’Asturnews, cuya entruga única consistía en designar la ‘noticia del añu’ publicada nesti diariu cultural a lo llargo de 2004, destacaron l’aniversariu de Conceyu Bable, les cifres de matriculación en Llingua Asturiana, el pieslle de la Xunta d’Escritores y la preparación d’un nuevu discu del grupu Dixebra, ente otres informaciones apaecíes n’Asturnews.

Tamién te podria gustar