Asturies ye la quinta comunidá con mayores sueldos d’España, coles muyeres ganando un 30% menos que los homes

06 04:52 2008 Imprimir

El Principáu d’Asturies ye la quinta comunidá autónoma colos salarios más altos d’España, con un sueldu mediu añal de 19.758,43 euros, según l’Institutu Nacional d’Estadística (INE) qu’ufre’l datu a partir de la Encuesta d’Estructura Salarial del 2006, que ya se ficiere tamién nos años 1995 y 2002.

Según los datos del INE, los homes ganaron n’Asturies una media de 22.781,54 euros (22.051,08 euros na media nacional) y les muyeres tuvieron un sueldu enforma amenorgáu que nun pasó de media de los 15.356,82 euros (16.245,17 euros n’España).

La Comunidá de Madrid, algamó con 23.622 euros añales por trabayador el salariu mediu más altu, mientres qu’Estremadura, con 15.540,35 euros, tuvo’l más baxu.

Tres madrid quedó’l País Vascu (22.929,98 euros), Navarra (21.660,50 euros), Cataluña (21.210,04 euros) y Asturies (19.758,43). El restu de comunidaes autónomes allugaron el salariu mediu perembaxo la media estatal.

  Categories:
Loading Facebook Comments ...