Asturies tien la cifra más baxa de consumu de TV por persona

01 xunetu 10:04 2014 Imprimir

El consumu televisivu por persona y día en xunu asitiose nel Principáu d’Asturies en 219 minutos, convirtiéndose na comunidá cola cifra más baxa, según los datos de Kantar Media, que dexen a les claree que’l mercáu audiovisual d’Asturies nun incentiva l’audiencia. Nel conxuntu del país el tiempu mediu baxó a 233 minutos, siete minutos menos qu’en mayu y cinco menos que va un añu. Los partíos d’España nel Mundial de Fútbol de Brasil fueron les emisiones más vistes, como yerra d’esperar.

Andalucía ye la rexón que rexistra mayor tiempu de visionáu diariu (244 minutos), siguida de Cataluña (241), Castiella-La Mancha (237) y Comunidad Valenciana (237); ente qu’Asturies ye la que menos (219 minutos).

El partíu de la fase previa del Mundial de Fútbol ente España y Chile foi la emisión más vista con 13,2 millones d’espectadores (67,6% de cuota de pantalla), siguida de partíu apostáu ente España y Holanda, con 11,2 millones d’españoles (68,5%) y el de Brasil-Croacia, con 8,4 millones d’espectadores (43,5%). Casi la metá del tiempu dedicáu a la tresmisión deportiva en xunu tuvo dedicáu a esti deporte.

El consumu al traviés de TDT (82,8%) baxa trés décimes, el satélite (3,8%) baxa cuatro y el cable (13,3%) xube trés. Cataluña ye la rexón que más consume al traviés de TDT. País Vascu y Asturies les que más lo faen utilizando’l cable, y Canaries el satélite.

  Categories:
Loading Facebook Comments ...