Portada Educación Asturies tien el comedor escolar más baratu d’España

Asturies tien el comedor escolar más baratu d’España

by redacción asturnews

El mapa de precios de los comedores escolares públicos varia sensiblemente d’una rexón a otra, según los datos de precios arrexuntaos por periodistes d’EL PAÍS ente les distintes comunidaes autónomes y Asturies ye la más barata.

Rexones como Baleares y Cataluña cobren más de seis euro al día (6,5 y 6,2, respectivamente). N’Aragón cuesta seis. Y les más barates son Asturies (onde se paga ente trés y cuatro euro) o Castiella y Llión y Murcia, con cuatro euros per día caúna. El Gobiernu de Canaries (una de les comunidaes que caltuvo históricamente los precios más económicos, según la Confederación Española d’Asociaciones de Padres y Madres d’Alumnos, la CEAPA) nun facilitó los datos de la so rexón pa ellaborar esta información y hai rexones qu’ufierten solo parte de los datos porque inda nun los completaron.

Esta información ellaborase colos datos medios y les ayudes qu’ufierten les comunidaes autónomes. Hai rexones, como Asturies, nes que’l comedor paguenlu los Conceyos. Tamién otros conceyos ufierten la so propia aportación, anque la CEAPA estima que s’amenorgaron de forma drástica mientres los años de la crisis.

Los alumnos de Baleares y Cataluña paguen hasta 70 euros más al mes (por 20 díes lectivos) qu’un estudiante asturianu. La fienda ye entá más visible si comparamos el cursu enteru y supera los 500 euros ente los 525 añales del asturianu a los 1.050 del catalán o los 1.137 euros del balear.

Tamién te podria gustar