Portada Tecnoloxía Asturies tará representada nun congresu internacional sobre les TIC

Asturies tará representada nun congresu internacional sobre les TIC

by asturnet

El Congresu Internacional “Les llingües non estatales y les nueves tecnoloxíes de la información y la comunicación” que va celebrase na llocalidá portuguesa d’Aveiro l’8 de marzu, va cuntar con presencia asturiana y mirandesa, amás de representantes de les llingües catalana, aranesa, aragonesa y gallega. Un espaciu pa compartir la situación de les llingües minorizaes de la península nel campu de les TIC.

Nesti conceyu Inaciu Galán, periodista asturianu, va dar llectura a la conferencia “Una güeyada a la situación del asturianu nes TIC”. Esi mesmu día, pela tarde y xunto al restu los congresistes, participará nuna mesa redonda d’alderique alredor del tema central de congresu, comentando la situación asturiana, baxo la moderación d’Alberto Gómez Bautista, de la Universidá d’Aveiro.

Amás de Galán, van participar nel congresu, falando de la situación de les sos llingües nesti campu, Amadeu Ferreira, Alcides Meirinhos, Xavier Frías Conde, Francisco Castro, Anna Cortils y Sebastià Bennasar.

El Congresu organícenlu la Universidá d’Aveiro, la UNED y l’Associaçon de Lhéngua Mirandesa, pudiendo inscribise los interesaos nesti corréu cunceilho@gmail.com

Blogue del Congresu

Tamién te podria gustar