Portada Educación Asturies recurre ante’l Supremu les reválides de la ESO y Bachiller

Asturies recurre ante’l Supremu les reválides de la ESO y Bachiller

by redacción asturnews

El Conseyu de Gobiernu del Principáu d’Asturies decidió esti miércoles interponer ante’l Tribunal Supremu un recursu contenciosu-alministrativu contra’l Real Decretu que regula les evaluaciones finales de la Educación Secundaria Obligatoria (ESO) y de segundu cursu de Bachiller, les conocíes como ‘reválides’ de la LOMCE.

Según informó’l conseyeru de Presidencia y voceru del executivu, Guillermo Martínez, l’oxetivu del Gobiernu ye paralizar l’aplicación de les reválides’ de 4º de la ESO y de segundu de Bachilleratu, al entender que “nun cunten col consensu de la comunidá educativa nin de les comunidaes autónomes”. L’aplicación de les pruebes, dixo, supondría amás pal Principáu un gastu de 800.000 euros.

Pa evitar la incertidume ente los estudiantes del últimu cursu académicu Martínez pidió al Gobiernu que caltenga les Pruebes d’Accesu a la Universidá tal como se vienen desenvolviendo nos últimos años. Mientres se resuelve’l recursu ante’l Supremu, el Gobiernu asturianu va entamar al cola Universidá d’Uviéu la reválida’ de segundu de Bachiller, a la vista de que el Ministeriu d’Educación nun estableció los criterios. La Universidá va encargar d’ellaborar les pruebes en coordinación colos docentes de bachiller y secundaria, tou ello pa “llanzar un mensaxe de tranquilidá” y “garantizar” a los estudiantes que solo tengan que realizar una prueba p’aportar a la Universidá.

Tamién te podria gustar