ComunicaciónSociedá Asturies pide un añu más la oficialidá nel centru d’Uviéu by redacción asturnews 8 de mayu, 2022 written by redacción asturnews 8 de mayu, 2022 3,2K Esti sábadu 7 de mayu a les 12 hores, la Xunta pola Defensa de la Llingua Asturiana (XDLA) entamó n’Uviéu la tradicional manifestación pola oficialidá del Día de les Lletres Asturianes, que por primera vegada nun se celebraba en vienres coincidiendo col actu institucional del Día deles Lletres. Y la respuesta foi multitudinaria. Entamu dela manifestacion La convocatoria salía como davezu de la Estación del Norte, onde’l portavoz de la XDLA, Xosé Candel, atendía a los medios de comunicación y el mayestru xubiláu Xosé María García Sánchez, “Llábana”, yera como cada añu l’encargáu d’abanderar la manifestación. Tres de percorrer la cai Uria ente interpretaciones musicales de gaiteros y pandereteres y glayíos pidiendo la oficialidá de la llingua asturiana, la manifestación aportó a la Plaza de la Escandalera, onde la cantante Alicia Villanueva, l’escritor y músicu Xaime Martínez, la filóloga María Abril y el traductor Miguel Sánchez dieron llectura al discursu que la Xnta pola, convocante de la manifestación, preparara pa facer alcordanza de que si nesta llexislatura nun se llogró la oficialidá del asturianu y del eonaviegu nun foi por falta de puxu de la xente: Les mayores demostraciones de la vitalidá y la fuercia del movimientu viéronse dende que s’abrióla posibilidá de llograr un avance históricu pa les llingües propies d’Asturies. Y güei volvemos tar equí cola certeza de que la razón ta del nuestru llau”. La Xunta quixo dexar afitao tamién que se tan dando pasos atrás y se tan perdiento trenes, como “la presencia del asturianu nes plataformes de conteníos audiovisuales que sí van tener a partir d’anguaño otres llingües del Estáu pol fechu de ser coooficiales nes sos comunidaes autónomes. O que nin na TPA podemos ver series y películes n’asturianu y les neñes y los neños nun tienen dibuxos animaos na nuestra llingua”. Una de les pancartes qu’enllenaron la manifestación Y volvio pidise la oficialidá, esa oficialidá que “va poner les bases xurídiquespa facilitar que s’estienda l’usu de la llingua a toles situaciones sociales, va favorecer el desenvolvimientu d’una industria cultural propia d’Asturies y ayudar a la tresmisión xeneracional. Y, sobre too, va impedir la represión por razones llingü.stiques que yá tamos careciendo y de la que yá tamos fartes”. 0 FacebookTwitterPinterestEmail Anterior L’Academia celebró nel Filarmónica’l XLIII Día de les Lletres Asturianes siguiente El Documental del mes trai esti martes “Fe y llibertá: un amor de clausura” Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...