ConceyosPolíticaSociedá Asturies homenaxea en Xixón a Yolanda Huergo by redacción asturnews 27 de setiembre, 2021 written by redacción asturnews 27 de setiembre, 2021 2,6K La Xunta pola Defensa de la Llingua Asturiana desenvolvió esti domingu 26 de setiembre un homenaxe a la que foi la so compañera, militante na organización, Yolanda González Huergo, fallecida’l 6 d’agostu del 2020. Nel actu hebo música de la mano de grupos como Felpeyu y L-R, amás d’intervenciones de persones que conocieron a Yolanda y amosaron so compromisu social y políticu. El Muséu del Pueblu d’Asturies de Xixón foi l’escenariu d’un homenaxe que nun se pudo entamar primero por aciu la COVID y que quería reparar na persona, no qu’ella significó na defensa de la llingua asturiana, amás de nuna montonera más de causes nes que Yolanda Huergo participó a lo llargo de la so vida. Con una granible presencia de xente de la cultura, la política y la socieda civil asturiano, l’actu entamó al meudía pa desenvolvese hasta la tarde. La música del país acolumbró les intervenciones del homenaxe que la sociedá civil asturiana ufrió en Xixón a una persona que la vivió de manera intensa de la man de Felpeyu, qu’actuó delantre les intervenciones d’homenaxe, y L-R, que punxo puntu final al actu enantes de la xinta. Entemedies, falose del trabayu desenvueltu por Yolanda lluchando pola diginidá y oficialidá de la llingua asturiana, pero tamién del so llabor en defensa de los derechos humanos cuando militó n’Amnistia Internacional, etapa de la que fizo alcordanza la exvierrectora de la Universidá d’Uviéu Eugenia Suárez Serrano, cola que compartió activismu n’Amnistía Internacional. Xunta ella tamién intervinieron María Xosé Martínez ‘Pepa’, de la Xunta pola Defensa de la Llingua, José Luis Carmona, figura del nacionalismu d’izuiqerdes y como Yolanda exemplu de compomisu militante, Rubén Ardura, marido de González Huergo y asturianista y músicu reconocíu, el diputáu Rafa Palacios, que compartió militncia na izquierda asturianista, l’exportavoz municipal Mario Suárez del Fueyo y el secretario xeneral de Podemos Asturies, Daniel Ripa. Leticia Baselgas y Rubén Bada, esto ye, L-R, punxeron el ramu a esti homenaxe públicu pa les 15 hores, pa siguir con una xinta de calter priváu. 0 FacebookTwitterPinterestEmail Anterior Una esposición del Louvre sobro Da Vinci inaugura la Sala Permanente de Cómic d’Avilés siguiente Uviéu entama visites empuestes pa celebrar el Día Mundial del Turismu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón