Portada Conceyos Asturies despide esti martes al escritor tapiegu Manuel Galano

Asturies despide esti martes al escritor tapiegu Manuel Galano

by redacción asturnews
Manuel Galano

L’escritor tapiegu Manuel García Sánchez (Manuel Galano), académicu d’honor de l’Academia de la Llingua Asturiana, morrió ayeri a los 94 años d’edá. El funeral celebraráse esti martes, día 30, a les 12 de la mañana, na Ilesia parroquial de San Esteban de Tapia.

Nacíu en A Roda en 1922 escribió davezu en gallego-asturianu les sos obres y entamó la so carrera escribiendo sainetes costumbristes en fala ente los años setenta y noventa, que dempués seríen represenaos por un grupu d’aficionaos fundáu y empobináu por él.

Nel so enfotu siempres tuvo ayudar a resurdir l’usu del gallego-asturianu nel mundu lliterariu, siendo la más nomada de les sos obres “Parzamiques”, vencedora del I Premiu Xeira de Narracióis Curtias, en 1991. Xuntu con Jacinto Díaz tamién fizo llabor investigador recoyendó’l vocabulariu del so pueblu en “Vocabulariu da Roda”.

Manolo Galano, como yera conocíu l’escritor tapiegu y padre del pintor Miguel Galano, foi nomáu académicu d’honor en 2005 pola Academia da Lingua Asturiana. Tamién yera fíu predilectu de Tapia.

Tamién te podria gustar