Asturies Cultura en Rede va ufiertar 515 actividaes na segunda metá del añu

Asturies Cultura en Rede va ufiertar 515 actividaes na segunda metá del añu
19 xunetu 11:39 2022 Imprimir

Los nueve circuitos culturales del programa Asturies Cultura en Rede van ufiertar hasta avientu 515 actividaes per tol territoriu asturianu. La Conseyería de Cultura, Política Llingüística y Turismu realiza una inversión de 959.000 euros pa financiar na segunda metá del añu una programación cultural multidisciplinar que pueda llegar a los distintos conceyos.

Asturies Cultura en Rede ufierta propuestes d’artes escéniques, música, lliteratura, cultura tradicional, artes visuales, Xacobéu, Cuadonga 2022 – Camín de los Santuarios, el ciclu Autores nel Camín y la Cinemateca Ambulante. El programa desenvolver  en collaboración colos conceyos asturianos y xestiónase dende la Sociedá Pública de Xestión y Promoción Turística y Cultural del Principáu d’Asturies. Les cifres d’actividaes y presupuestu de cada circuitu para’l segundu semestre del añu son les siguientes:

  • Circuitu d’artes escéniques: 167 eventos de 53 compañíes en 42 conceyos, con una inversión cimera a los 382.000 euros.
  • Circuitu de música: 78 conciertos de 36 profesionales y empreses en 36 conceyos, con un presupuestu cimeru a los 185.000 euros.
  • Circuitu de lliteratura: 99 eventos de 36 profesionales en 32 conceyos, a los que se destinen más de 59.000 euros.
  • Circuitu de cultura tradicional: 81 eventos de 24 profesionales en 31 conceyos, con una inversión de más de 74.000 euros.
  • Circuitu d’artes visuales: 11 artistes y galeríes, escoyíos nos dos últimes convocatories, van esponer 16 amueses en 10 conceyos hasta final d’añu. Na convocatoria d’anguaño escoyéronse 14 proyectos de 14 ceadores y galeríes que se van producir en 2022 y van esibise el próximu añu, con un costu de más de 85.000 euros.
  •  Circuitu Xacobéu: 39 eventos de 25 profesionales en 19 conceyos, con una inversión cercana a los 90.000 euros.
  •  Circuitu de Cuadonga/Cuadonga 2022 –  Camín de los Santuarios dolce eventos de nueve profesionales y empreses en cinco conceyos, con una inversión de más de 20.000 euros.
  •  Circuito Autor nel Camín: 23 alcuentros en 18 conceyos con ceadores y artistes asturianos galardonaos colos premios lliterariu y escénicu convocaos o promovidos pola Conseyería de Cultura, Política Llingüística y Turismu. El circuitu cunta con un presupuestu añal de 50.000 euros.

A la programación d’estos circuitos sumaráse’l ciclu de cine itinerante La Cinemateca Ambulante, con programación trimestral d’ochobre a avientu y una inversión prevista de más de 14.000 euros. La programación de los distintos circuitos puede consultase na web asturiesculturaenrede.es, onde yá ta disponible para la información de les próximes actividaes.