Asturies brilla como siempres na Gran Parada del Festival Intercélticu de Lorient

04 agostu 18:58 2019 Imprimir

Asturies tuvo un añu más al altor de la so representación davezu nel Festival Intercélticu de Lorient nel desfile del domingu nel qu’esti añu’l brillu diba ser pala vecina galicia pol so añu de celebración. La Banda de Gaites Fonte Fuécara y el Grupu Folclóricu Prau Llerón animaron al so pasu dende’l Puertu Pesca al Estadiu Moustoir de Lorient les cais de la ciudá.

La Gran Parada de les Naciones Celtes ye ensin dulda el puntu álgido del Festival de Lorient y rexunta cada añu a miles de persones nes cais de la ciudá y a otros miles que se mueven al estadiu de fútbol, onde dende va cásique 20 años acaba esti gran Desfile de tolos países celtes.

La Banda de Gaites Fonte Fuécara y el Grupu Folclóricu Prau Llerón fueron los encargaos de participar nel desfile en nome de la delegación Asturiana y ficiéronlo en puestos bien separaos: Fonte Fuécara salió nel puestu 14 de los 60 grupos y Prau Llerón nel 42,  bien averao a la final del desfile dexando asina’l miel asturiano nos llabios de tolos bretones qu’esta fin de selmana enllenaron les cais de Lorient.

La delegación asturiana tuvo repartida nel percorríu soportando muncho menos calor qu’otros años. Otra vuelta la delegacióna asturiana foi protagonista mediática del desfile, atropando l’atención de medios audiovisuales como France 2 y de numberosos gráficos qu’esfrutaron cola participación nel desfile de la pequeña Mencía, que llevaba en brazos so padre, Iñaki Santianes, el cabezaleru de la delegación astur nelfestival. Aunque tola atención taba volcada na delegación gallega que se volcó con un coloríu serprendete y que tenía a la pequeña Lía como cabezalera nel desfile.

El desfile d’esti domingu 4 d’agostu de 2019 foi un espectáculu inolvidable los baillarines y músicos del Festival Interceltique de Lorient y muncho más para los componentes de la Banda de Gaites Fonte Fuécara y el Grupu Prau Llerón. Los 80000 espectadores y los 3000 participantes siguen siendo unu de los aspeutos más destacaos del festival de Lorient.

Dempués del campeonatu bagadoù y el Gran desfile de les naciones celtes, los asistentes al festival esperaben enganiosamente’l trunfu de los músicos. Na escampada del teatru de Lorient, l’ensame yera bien grande para afaer a los 3.000 músicos y baillarinos que participaron nel trunfu. Los círculos y les bagadoù colaron per última vegada so los aplausos del públicu. Toos xuntos, tocaron la mesma melodía. Primero un An Dro, depués un Boum d’Escocia.

Loading Facebook Comments ...