Asturies 3.0 de la Lleenda al papel: Ilustradores de la EAO

Asturies 3.0: de la lleenda al papel ye una esposición colectiva d’ilustración de dellos alumnos del Ciclu d’Ilustración de la Escuela d’Arte d’Uviéu. El puntu de partida ye l’alcuentru ente dellos mozos artistes afincaos na Escuela d’Arte d’Uviéu que comparten un interés por abrir camín nel mundu de la ilustración y dase a conocer.

Ente los participantes hai alumnos que tomaron distintos caminos dende realizar Belles Artes hasta venir del mesmu bachiller qu’ufierta la EAO pa llegar toos de primeres d’un esperáu llargu camín que ye la ilustración. A toos d’una manera o otra marcó-yos el redolada nel qu’estudiaron el ciclu polo que la esposición realízase en redol a laMitología Asturiana.

Conceptualmente la esposición ye una revisión a la cultura asturiana y a los seres colos que munchos se criaron. Anque non yá ye eso, si non que la esposición forma parte d’un ensalzamiento de la mitoloxía asturiana. Pretende traese a 2016 los mitos y lleendes que se lleven años tratando pero dende’l puntu de vista d’una disciplina que desenvolvió numberoses ya innovadores técniques nos últimos años. Dende l’arte dixital al arte tradicional, colos trazos y estilos gráficos d’estudiantes d’agora. A última hora, ye una comunión ente’l pasáu y el presente.

La esposición cunta con una serie de 50 obres estremaes en dos categoríes. Per un sitiu 25 obres retratando a 25 personaxes clásicos de la mitoloxía asturiana. En concretu son una serie de 25 ilustraciones que describen minuciosamente la fisionomía y calter de cada personaxe tomando asina les redolaes onde se desendolquen y les sos aficiones y actividaes. Estes llámines tienen un calter mas tradicional y clásicu. Sobre un papel Caballu 109 vense una serie de abocetados de distintos estilos y acabaos.

Per otru llau, hai otres 25 ilustraciones a tou color. Una serie de llámines que narren la esencia del personaxe. Dende llámines risonderes que van sosprender a los mas pequenos hasta llámines terroríficas de los seres mitolóxicos mas malvaos de la lleenda ástur. A estes ilustración acompañaránlos una serie de testos esencialmente descriptivos, tantu en castellán como na llingua asturiana.