Portada Educación Asturias recibirá 828.979 euros pa libros de texto y materiales didácticos

Asturias recibirá 828.979 euros pa libros de texto y materiales didácticos

by redacción asturnews

El Gobiernu va distribuyir ente les comunidaes autónomes 48,5 millones d’euros, de los que 828.979 euros van ser p’Asturies, del creitu destináu al programa de financiamientu de llibros de testu y materiales didácticos, tal que publicaba esti vienres el Boletín Oficial del Estáu.

El BOE publicaba esti vienres un alcuerdu del Conseyu de Ministros del pol que se distribúi esti creitu que se va destinar a l’alquisición hasta’l 31 d’avientu de 2021 de llibros de testu y materiales didácticos de los cursos d’Educación Primaria y Educación Secundaria Obligatoria.

Coles mesmes,  les comunidaes autónomes van poder destinar parte de dichos fondos pa conceder ayudes pa l’alquisición de llibros y materiales didácticos nos cursos correspondientes a les enseñances de Bachilleratu y Formación Profesional. El destín de les ayudes va ser l’alquisición de llibros de testu y materiales didácticos sía’l que quier el so soporte, incluyíu’l dixital.

Les autonomíes van establecer los criterios pa la selección de los beneficiarios, y van garantizar qu’éstos axunten los requisitos d’atopase en situación económica desfavorable, con especial atención a aquellos que cumplan la condición de familia numberosa de trés fíos o más.

Tamién te podria gustar