Portada Tecnoloxía Asturgram yá tien versión anovada

Asturgram yá tien versión anovada

by redacción asturnews
Canal d'Asturgram en Twitter

La versión n’asturianu del programa de mensaxería Telegram, nomada Asturgram, yá tien anovamientu pa poer adatase a la versión 6.0 d’Android.

Ente les novedaes qu’ufre la nueva versión alcuéntrense animaciones nueves y munches ameyores visuales, sofitu pa fustaxes nuevos, supergrupos, ameyoróse la compartición nes canales. Agora si’l to grupu aporta a los 200 miembros, pues anovalu a un supergrupu con xestión pente alministradores y capacidá d’espulsión.

Dende que torgaren l’aplicación de “Telegram n’ast” na Play Store tuvieron trabayando muncho pa xubir una nueva versión que camudara’l nome de l’aplicación pa que nun tuviere problemes de derechos d’autor pol so nome, convirtiéndose n’Asturgram.

Con Asturgram entama una domina nueva onde s’amiesta la posibilidá de poder usar los bots, un serviciu cenciellu pero mui potente; el rediseñu de la estaya «Axuntar», un reproductor integráu pa ver videos de YouTube, escuchar música de SoundCloud… etc ensin colar de l’aplicación; gueta de mensaxes nuna charra específica y toles carauterístiques de les versiones anteriores de «Telegram n’ast».

Tamién te podria gustar