Portada Fiestes Astorga celebra’l VI Alcuentru de Cultura del Reinu de Lleón

Astorga celebra’l VI Alcuentru de Cultura del Reinu de Lleón

by asturnet

El próximu domingu 25 de setiembre nel Parque de la Eragudina d’Astorga celebraráse’l VI Alcuentru de Cultura del Reinu de Lleón, entamando con una parva y receición de participantes a les diez de la mañana.

Darréu va va facese un desfile de pendones hata’l monumentu al Reinu de Lleón. A les 12:30 van facese xuegos y deportes lleoneses y pocu dempués van abrise los puestos del mercáu.

A la una y media van celebrase bailles llariegos y de pendones. Y de magar les 14:30 hores va facese un cociíu popular (a 3 euros) de gabrieles Picu Pardal.

La tarde van ocupala, xuegos y deportes lleoneses, aluches y un alcuentru de música tradicional lleonesa, con homenaxe a Victoriano Santiago Comisaña “Anico”. L’actu va pesllase a les ocho cola toma de les sopes d’ayu, pa les qu’ha de llevase escudiella.

La celebración organícenla a comuña’l Conceyu d’Astorga, l’asociación La Caleya y l’Asociación del Reinu de Lleón d’Amigos del Folclor.

Tamién te podria gustar