Portada Hestoria Asociaciones presenten al gobiernu un plan de recuperación de la memoria hestórica

Asociaciones presenten al gobiernu un plan de recuperación de la memoria hestórica

by asturnet

Hasta 17 asociaciones y organizaciones favoratibles a la recuperación de la memoria hestórica d’España, ente les que s’alcuentra l’Asociación pala creación del Archivu de la Guerra Civil y les Brigaes Internacionales, tan acabantes de firmar un documentu pa reivindicar al Gobiernu la fonda necesidá de recordar y asoleyar “la represión franquista y los hechos en los que se materializó la misma, principalmente las represalias y el exterminio contra la población civil”.

Pa ser a llograr esto, tienen ellaboráu un plan d’acción con 18 propuestes, ente les que destaquen: l’afitamientu de la “Convención sobre la imprescriptibilidad de los crímenes de guerra y de los crímenes de lesa humanidad”; declarar por llei el desaniciu de toles aiciones llegales del réximen franquista; ellaborar una llei d’exhumaciones ya identificación de víctimes; ellaboración d’un manual d’Antropoloxía forense adaptáu a les normes internacionales de drechos humanos; normalización llexislativa de los bancos de datos d’ADN pala identificación de víctimes; una llei de reconocimientu de los campos de concentración y de los trabayos forzosos y reconstrucción de les llistes de les víctimes españoles en terceros países como consecuencia del réximen franquista, incluyendo a los nomaos como “neños de la guerra”.

Tamién te podria gustar