Portada Educación Asina ta siendo la EBAU más atípica

Asina ta siendo la EBAU más atípica

by redacción asturnews

Per primera vegada na hestoria de la EBAU, los futuros universitarios nun ocuparon les aules de les facultaes y escueles de la Universidá d’Uviéu, cola esceición de la Facultá Padre Ossó, sinón que tuvieron eses pruebes principalmente en polideportivos y amplios espacios vencíos polos conceyos. En nueve sees en total, cola incorporación esti añu de Siero y Llangréu.

Va Haber, en total y esta selmana, catorce sedes pa una EBAU pa la que se diseñó un estrictu protocolu de seguridá y salú qu’implicaba, ente otres cuestiones, mayores controles nos accesos (con miembros de les fuerces de seguridá del Estáu y voluntarios de Protección Civil nel esterior), que los alumnos tean, siquier, una hora antes del exame na so correspondiente see, a la que se-yos pidía que llegaren a cuerpu y ensin acompañantes, nun formar grupos y caltener el metro y mediu de distancia.

A la entrada y salida de l’aula, acción qu’hebo realizase de forma gradiada, l’alumnáu tuvo esti martes pela tarde de llavase les manos con solución hidroalcohólica y portar el mázcaru que, eso sí, pudieron retirar una vegada sentárannse nes meses y enfrentáranse al cuestionariu. “La nuesa prioridá foi, en tou momentu, garantizar la seguridá del estudiantáu, de los voluntarios y voluntaries y de too el personal que participa na prueba, según el control de los exames, que ye fundamental. Cuntamos con unos profesionales escelentes y confío en que tou se desenvuelva con normalidá y ensin mayores incidencies”, aseguró al entamar la preba la vicerrectora d’Estudiantes, Elisa Miguélez. Les notes camienten poder comunicase’l 9 de xunetu.

Tamién te podria gustar