Arranca la XIII Fiesta de la Oficialidá

Esti xueves 2 xunetu na Casa la Cultura a les 20,30 entamen les actividaes de la XIII Fiesta de la Oficialidá en Bimenes cola representación teatral de la obra “Ello yera una vez…”, a cargu del Grupu de Teatru Carbayín.

La programación d’esta XIII Fiesta de la Oficialidá en Bimenes va siguir el vienres 3 xunetu na Casa la Cultura a les 19,45 hores cola entrega de premios del “XII Concursu de Cuentos pola Oficialidá del Asturianu” y darréu d’ella, a les 20.30 hores, cola representación de la obra “La matazuga”, a cargu del monologuista Carlos Alba.

Les actividaes d’esta XIII Fiesta de la Oficialidá en Bimenes van continuar el sábadu 4 xunetu nel prau de la fiesta a les 11 hores cola apertura de la VII Feria d’Artesanía y Mercáu de Productos Agroalimentarios. Y a les 12 hores va tener llugar el Pasacais de los grupos folklóricos Los Yerbatos (Bimenes), Oter de Fumos (Valladolid) y Os Pauliteiros (Miranda del Douro) hasta la Casona de los Careaga.

Tamien na Casona de los Careaga va celebrase a les 12,30 hores el pregón, a cargu de Roberto González-Quevedo González, escritor, filósofu, antropólogu y Secretariu de l’Academia de la Llingua Asturiana.

A les 13 hores ta prevista la misa n’asturianu, oficiada por José Manuel García de Jesús y cantada por El Corriellu la Pandorga, nel prau de la fiesta El restu les actividaes del sábadu van siguir a les 13,30 hores cola Puya’l ramu y a les 13,45 cola actuación de los grupos folklóricos Los Yerbatos (Bimenes), Oter de Fumos (Valladolid) y Os Pauliteiros (Miranda del Douro). A les 14,45 habrá xinta popular con Bollu preñáu, empanada, casadiella y arroz con lleche (Venta anticipada de vales na Casa Conceyu en Martimporra). Y de 16 a 18 hores celebrarase un Taller de manualidaes pa neños, a cargu de l’Asociación Sociocultural Afayaivos. Darréu, a les 18,30 hores tien llugar el X Concursu de Gaiteros y Gaiteres Mozos. Y a les 23 hores, pa finar, el Conciertu Los Gatos del Fornu y Los Ciquitrinos.