Arco despidise de la so edición con más visibilidá a les muyeres

03 marzu 10:52 2020 Imprimir

La xornada del llunes de la Feria ARCO brindó la oportunidá, a tou aquel que s’averó a visitar les instalaciones, de conocer y ver de barganal toles obres que tuvieron espuestes los postreros 4 díes. Una edición bien concenciada colos problemes a los que s’enfrenta la muyer alredor del mundu: la violencia machista, los feminicidios, les violaciones, los secuestros, los asesinatos y los abusos tuvieron reflexaos n’ensame d’obres.

El coronavirus tampoco afectó a la feria, que caltuvo con normalidá toles sos actividaes. Les galeríes italianes programaes instaláronse con normalidá. Hebo dos galeríes de Turín, otros dos de Milán y una de Bolonia ente la decena de firmes italianes presentes na feria.

Arco permaneció abierto dende les 12 hasta les 20 hores, y nun hebo actividaes previstes, tan solo l’apertura al públicu xeneral. La entrada tuvo un costu de 30€ y foi válida pa un únicu accesu. Pa los menores de 13 años acompañaos d’un adultu  gratuita. Como los díes anteriores, ente les 12h y les 18h , tuvo llugar el Taller d’Arte pa neños sofitáu pola fundación Pequenu Deséu na Sala ArcoKids, nel Pabellón 7, Stand.

  Categories: