Aprobáu’l Presupuestu de 2019 y el Plan de Meyora del Cascu Históricu d’Avilés

by redacción asturnews | enero 2, 2019 10:03 am

El Plenu del Conceyu d’Avilés vieno acabante aprobar el Presupuestu Xeneral pa 2019, por importe de consolidáu de 74,6 millones d’euros, barganal de mediu centenar d’inversiones y un marcáu calter social con programes d’atención a les persones en momentos de dificultá.

Les cuentes municipales del próximu exerciciu salieron adelantre colos votos a favor (12) de PSOE, Ganemos y conceyales Non Adscritos; l’astención de Ciudadanos (1) y el votu en contra (11) de PP, Somos ya IX.

Tres la votación, l’alcaldesa d’Avilés, Mariví Monteserín, estimó’l votu a los conceyales que sofitaron les cuentes municipales ya indicó que “ye una bien bona noticia p’Avilés porque nun podemos dexanos el luxu de paranos: precisamos tola actividá, enerxía y economía  que pueda desenvolver el conceyu para siguir alantre”. Monteserín  esplicó que “la política ye cada vez más complicada, les resultancies electorales son complexos de xestionar y munches vegaes les coses páranse sacantes que se algamar alcuerdos como’l que se llogró güei equí entre distintos conceyales y grupos políticos”.

L’alcaldesa considera imprescindible executar el presupuestu de 2019 pa “ameyorar y amontar les actuaciones urbanes, los servicios públicos, la sostenibilidá incluyida l’Axenda Urbana Europea-, el desenvolvimientu económicu y executar les propuestes participatives ciudadanes de los barrios”.

Refirióse tamién a que de los 9,2 millones d’inversión del presupuestu, 5,4 millones lleguen de la Unión Europea (Fondos FEDER) que “nun proceden directamente de los impuestos de los ciudadanos d’Avilés, sinón que los consiguimos gracies a la nuesa xestión y al proyectu que presentamos, en concurrencia competitiva, y que ganemos”..

Más información[1]

Endnotes:
  1. Más información: http://aviles.es/web/guest/inicio/-/asset_publisher/iuRYQKs29WiC/content/aprobado-el-presupuesto-de-2019-y-el-plan-de-mejora-del-casco-historico/12305

Source URL: http://asturnews.com/aprobaul-presupuestu-de-2019-y-el-plan-de-meyora-del-cascu-historicu-daviles/