Portada Educación Aprobaos 393.092 euros p’ampliar el IES Montevil

Aprobaos 393.092 euros p’ampliar el IES Montevil

by redacción asturnews

El Conseyu de Gobiernu del Principáu autorizó ayeri destinar 393.092 euros a l’ampliación del institutu d’Educación Secundaria Montevil, de Xixón, p’afaelo a les nueves necesidaes derivaes del aumentu de la población del barriu. La obra tien un plazu d’execución de siete meses.

Esta actuación va dexar responder al aumentu de población escolar de la zona. Pa ello ampliaráse la planta baxa del centru escolar con una sala de visites y baños afechos. Tamién se va habilitar un almacén pequenu pa usu venceyáu cola actividá del salón d’actos y l’edificiu va aumentar dos llantes pa incluyir cuatro nueves aules y dos pequenos trasteros, amás d’un ascensor.

Va ser asina satisfecha una de les principales reivindicaciones de Montevil, yá que cuando l’actual edificiu escolar foi construyíu la población yera enforma menor que l’actual y, poro, les necesidaes educatives bien distintes a les qu’agora esisten. Tamién nel ámbitu educativu, el Conseyu de Gobiernu dio’l vistu bonu al máster n’Inxeniería de Caminos, Canales y Puertos de la Universidá d’Uviéu.

Tamién te podria gustar