Apriende les habilidaes básiques pa proyectos empresariales en Xixón

Apriende les habilidaes básiques pa proyectos empresariales en Xixón
18 agostu 08:30 2020 Imprimir

Xixón Impulsa vieno acabante abrir el plazu pa una nueva edición del so Mentoring Básicu, dirixíu a persones entamadores que busquen reforzar conocencies en diverses materies para poder poner en marcha la so iniciativa empresarial al traviés de l’alquisición d’habilidaes del emprendimiento. El plazu va tar abiertu hasta’l miércoles,16 de setiembre a les 14 hores.

L’itinerariu formativu toma 12,5 hores presenciales, y va desenvolvese ente’l llunes 21 y el vienres 25 de setiembre, n’horariu de 10:00 a 12:30 hores, na Sala de Xuntes del Edificiu Impulsa – Parque Científicu Tecnolóxicu de Xixón, cumpliendo toles normes de seguridá en relación a la COVID-19.

Solo ye necesariu unviar la solicitú d’inscripción rellenada axuntando un currículum actualizáu. Podéis consultar les materies a desenvolver nel calendariu de la convocatoria, o contactar con nós al traviés del email emprendegijon.es, del teléfonu 984 84 71 00 o na nuesa dirección del Parque Científicu Tecnolóxicu de Xixón, Edificiu IMPULSA, C/Los Praos, 166 – 33203 Xixón.

  Categories: