Apple ye la tecnolóxica que más gana; Facebook y Amazon, les que más xorrecen

by redacción asturnews | febrero 7, 2018 9:07 am

La selmana pasada, dalgunes de les mayores empreses tecnolóxiques del mundu fixeron públicos les sos resultancies referentes a 2017 y supimos qu’Apple ye la empresa tecnolóxica que más gana; mientres Facebook y Amazon son les que más xorrecen.

Anque d’ellos nun s’esprendió nengún titular mayúsculu, estos sí refundiaron delles cifres reveladores en relación a les compañíes más puxantes y más prometedores del sector en 2018.

Por casu, 2017 remató con Apple onde empezara: nel cumal. Esta ye la empresa tecnolóxica que más facturó en 2017: casi 230.300 millones de dólares estadounidenses, el doble que Alphabet (con 111.000 millones) y casi seis vegaes más que Facebook (qu’ingresó alredor de 41.000 millones).

Amás, Facebook ye la organización na que los sos ingresos más aumentaron nos postreros trés años: un 226% dende 2014: de 12.500 millones de dólares a los aprosimao 60.700 millones de dólares actuales. A esta síguelu, pero con un volume de mercáu cuatro vegaes cimera, Amazon, qu’ameyoró la so facturación casi un 100% en trés años, de 89.000 millones a 178.000 millones.

Source URL: http://asturnews.com/apple-ye-la-tec-que-mas-gana-facebook-y-amazon-les-que-mas-xorrecen/