Portada Tecnoloxía Apple presenta l’Iphone 13 y amuesa’l so llideralgu

Apple presenta l’Iphone 13 y amuesa’l so llideralgu

by redacción asturnews

Como cada añu por estes feches, Apple celebró esti martes la so tradicional “Keynote”, eventu nel que da a conocer los sos nuevos productos al públicu. Espérase qu’esta vegada, sol títulu de “California Streaming”, la compañía anuncie’l iPhone 13, los AirPods 3 y l’Apple Watch Series 7.

Anguaño Apple suel presentar una amplia gama de productos, anque ye interesante recordar que realmente empezó a diversificase hai malpenes venti años. Ello ye que foi n’ochobre de 2001 cuando Apple presentó el so primera gran proyectu non informáticu: el iPod, que dende entós se convirtió n’unu de los sos productos más esitosos.

La siguiente infografía amuesa l’increíble tresformamientu que la empresa estadounidense esperimentó dende l’empiezu del sieglu XXI, pasando de pionera de la informática a xigante tecnolóxicu mundial. En 2001, los ingresos totales d’Apple xubieron a 5.360 millones de dólares, ente que nel añu fiscal que terminó’l 26 de setiembre de 2020, Apple rexistró unos ingresos de 274.515 millones. Y la so crecedera paez nun tener visos de detenese: al amasar más de 282.000 millones de dólares nos trés primeros trimestres de 2021, la compañía liderada por Tim Cook yá s’embolsó más dineru del que ganó en tou 2020.

Anque’l iPhone sigue representando daqué más de la metá de los ingresos d’Apple (el 54% en 2021), son la división de Servicios (iCloud, Apple Music, etc.) y la de ‘Wearables’, llar y accesorios (Apple Watch, AirPods, etc.) les que más contribuyeron a la crecedera de los sos ingresos dende 2015.

Fuente: https://es.statista.com

Tamién te podria gustar