PlástiquesSociedá Aplazáu’l sortéu d’un Picasso a 100 euros porque nun se vienden les papeletes by redacción asturnews 13 de xineru, 2020 written by redacción asturnews 13 de xineru, 2020 77 Aplazáu’l sortéu d’un Picasso a 100 euros porque nun se vienden les papeletes. ‘Nature morte’ foi pintada en 1921 y el dineru recaldáu na so vienta va destinar a fines humanitarios n’África. El sortéu Un Picasso 100 euros , entamáu pola ONG Care y previstu pal pasáu llunes, 6 de xineru, foi aplazáu hasta finales de marzu al nun vendese una cantidá abonda de papeletes. La obra, Nature morte , ta valorada nun millón d’euros “L’oxetivu d’esta operación ye recaldar el máximu de fondos para Care. Sicasí, inda tenemos entraes a la vienta”, esplica la organización na páxina web del sortéu “1picasso100euros.com”. La nueva fecha fita ye’l 30 de marzu de 2020 cuando’l sortéu va celebrase na see de la casa de puyes Christie’s en París, ensin posibilidá de ser nuevamente pospuestu. Esti nuevu plazu va dexar recaldar una mayor cantidá para l’oxetivu de la vienta: “llevar agua potable a 200.000 persones en Madagascar, Camerún y Marruecos”. La obra sorteada ye Nature morte , una composición xeométrica realizada pol pintor en 1921 y espuesta hasta la so vienta nel Muséu Picasso de París, con un valor envaloráu d’un millón d’euros. L’oxetivu del sortéu, realizáu primeramente en 2013 cuando llogró colectar cinco millones d’euros para un proyectu social, ye vender 200.000 participaciones a 100 euros caúna para recaldar una cantidá considerable que dexe al afortunáu faese con una obra d’arte por tan solo 100 euros. Asina, el propietariu del cuadru cobraría un millón d’euros pola vienta y la ONG llograría los 19 millones restantes para’l proyectu anunciáu. 0 FacebookTwitterPinterestEmail Anterior El fotógrafu Iván Morán García-Rendueles espón nel Valdecarzana sos paisaxes siguiente Abriose’l ciclu de conciertos de la Escuela de Música uvieina nos Centros Sociales Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...