Portada Escéniques Aplazáu pal día 23 l’espectáculu “The Opera llocos” en Llangréu

Aplazáu pal día 23 l’espectáculu “The Opera llocos” en Llangréu

by redacción asturnews

La representación de “The Opera Llocos”, l’espectáculu de “Yllana” que diba presentase esta tarde nel Nuevu Teatru de Llangréu foi aplazada pal próximu día 23. El motivu, ye la envernada de nieve qu’afara al país, que dexó a los miembros de la compañía atrapaos en Madrid.

En conociendo lo asocedío, l’Área de Cultura del Conceyu poner a trabayar pa buscar una nueva fecha na que programar la obra, que llogró’l premiu Max al Meyor Espectáculu Musical en 2019. Les entraes yá vendíes pa güei van siguir siendo válides. Sía que non, va devolvese’l so importe a quien lo pida y la taquilla del teatru va tar abierta esta tarde con esi fin y nos próximos díes nos horarios habituales, tanto nel mesmu teatru como nel Cine Felgueroso de Sama.

La nueva fecha, yá confirmada, va ser el sábadu 23 de xineru. La función va empezar esi día a les 19 hores.

Tamién te podria gustar