Antonio Rodríguez Dosantos espón la so Naturaleza Abierta en Xixón

by asturnet | junio 13, 2006 11:54 pm

[1]

La Sala d’Esposiciones del Centru Municipal de L’Arena espón dende ayeri hasta’l día 29 de xunu la colección ‘Naturaleza Abierta’ d’Antonio Rodríguez Dosantos. Les obres son retratos, paisaxes y figures humanes dientro de los ambientes y colores de la naturaleza asturiana, cola finalidá de crear escenes partiendo d’elementos de la vida diaria, tratando de da-yos una fundura sicolóxica o tresmitiendo una preocupación universal.

Dalgunes de les obres de Rodríguez Dosantos amuesen los efectos de la guerra al travies del retratu d’una neña n’Afganistán. Rodríguez Dosantos sigue la másima de Friedrich Nietzsche que diz que cuando te mires nel abisu, l’abisu tamien te mira a ti, llogrando asina que los sos paisaxes dean la sensación de tar reflexándose nel espectador.

Endnotes:
  1. [Image]: http://asturnews.com/bancofotos/fotos/2/2203.jpg

Source URL: http://asturnews.com/antonio-rodriguez-dosantos-espon-la-so-naturaleza-abierta-en-xixon/