Portada Cine Antonio Banderas, el meyor intérprete por ‘Dolor y Gloria’ según Time

Antonio Banderas, el meyor intérprete por ‘Dolor y Gloria’ según Time

by redacción asturnews
Foto: qbac07 (https://www.flickr.com/photos/30816404@N04/)

Dempués d’escoyer a Dolor y gloria, l’últimu trabayu de Pedro Almodóvar, como’l meyor llargumetraxe del 2019, la revista Time escoyó l’actuación d’Antonio Banderas como la meyor interpretación del añu. Una llista na que Jennifer Lopez queda en segundu llugar por Estafadores de Wall Street y Adam Driver por Hestoria d’un matrimoniu completa’l podiu nel tercer puestu.

L’analista Stephanie Zacharek, la mesma qu’ellaboró’l top de les meyores películes, dictaminó que l’actor malagueñu ufiertó la interpretación más redonda d’esti 2019. “Ufierta una actuación doliente y llibre d’un reconocíu cineasta que s’avera a la fin de la so carrera, con un intensu dolor que-y apexa, allampar y tornar canu”, escribe la esperta.

“Banderas danos una idea de lo que puede pasanos a midida que llegamos a la senectud. Tamién rinde homenaxe al so hermanu de sangre, Almodóvar, un home que traxo grandes allegríes y un sentimientu de lliberación al públicu, faciéndonos sentir mozos inclusive si yá nun lo somos”, termina de dictaminar.

Zacharek ellaboró la llista englobando interpretaciones tantu d’actores como d’actrices, y tamién poniendo al mesmu nivel l’apaición de protagonistes como de secundarios. D’esa forma, Jennifer Lopez, qu’aspira a consiguir una nominación a la meyor actriz de repartida nos Oscar, consigue un honorable segundu puestu por Estafadores de Wall Street.

Tamién te podria gustar