Plástiques Antoni Miralda gana’l Premiu Velázquez d’Artes Plástiques 2018 by redacción asturnews 24 d'ochobre, 2018 written by redacción asturnews 24 d'ochobre, 2018 42 L’artista catalán Antoni Miralda llogró’l Premiu Velázquez d’Artes Plástiques 2018, y amosose darréu bien ilusionáu col galardón “porque reconoz una manera d’entender l’arte y el mio trabayu y abre una puerta”. “Ye bien importante que se dean esti tipu de situaciones y que la mirada sobro l’arte ábrase, porque l’arte que nun se abrir ye un arte que nun tien más salida y quédase enmarcáu nes instituciones. Esti premiu ye una puerta abierta y ye el diálogu lo qu’entra”, aprofió Antoni Miralda (Terrasa, Barcelona, 1942). El Premiu Velázquez de les Artes Plástiques, dotáu con 100.000 euros, concedelu’l Ministeriu d’Educación y Cultura en reconocencia a la totalidá de la obra d’un ceador iberoamericanu nel ámbitu de les artes plástiques, en cualesquier de les sos manifestaciones. El xuráu destacó na obra del premiáu “una trayectoria artística sólida y transdisciplinar, dende los años 60 a l’actualidá, na qu’afonda nel conceutu de ritual y fiesta, con un sentíu lúdico y participativo qu’evidencia’l calter políticu y críticu de la so obra”. Amás, añedió’l xuráu na so argumentación que “les sos acciones colectives, qu’arreyen a gran parte de la población, tantu a audiencies venceyaes al mundu artísticu como tamién a axentes de la vida cotidiana, aponderen en particular la so capacidá de seducción estética, el calter organizativo de la so práctica y la so incansable trayectoria”. Ente los próximos proyectos de Miralda destaca, el 1 de payares, la so participación en Nueva York nuna gala n’honor a Christo y Jeanne-Claude, l’artista collaboradora de Christo y la so pareya, finada en 2009. Amás d’una próxima esposición na galería Sienda de Barcelona y xuna intervención en Miami. “Esti premiu tamién me va a venir perbién pa poner en marcha otros proyectos que tengo enriba de la mesa y que taben apexaos”, reconoció l’artista. Miralda, formáu dende empiezos de 1960 nos más prestixosos y diversos centros artísticos de Barcelona, París, Londres y Nueva York, ye quiciabes el ceador español más versátil de los postreros 40 años. Les sos primeres obres, “Soldats Soldés” (1967-72), conócense como oxetos “assemblages” partiendo de l’acumuladura de soldaos de plásticu blanco. Vivió nel París de los sesenta, onde empezó a realizar proyectos introduciendo’l ceremonial de la comida como elementu creativu a partir de el color y el so simbolismu. A mediaos de los años 90, partiendo del conceutu comida como cultura”, creó’l FoodCulturaMuseum, un muséu ensin parés” coles mires d’esquizar, coleccionar, caltener, documentar y espublizar les conexones ente comida, cultura popular y arte. El xuráu que falló’l premiu tuvo formáu por Concha Xerez, ganadora del premiu na pasada edición, Xoan Anleo, Natalia Majluf, Miguel Zugaza, Antonio Franco, Isabel Tejada y Elvira Dyangani. 0 FacebookTwitterPinterestEmail Anterior Conciertu del cantautor estadounidense Luke Winslow-King na Factoría Cultural siguiente La Universidá y la Fundación CTIC llancen la Cátedra de Tresformamientu Dixital Tamién te podria gustar “Nos dominios de trés” homenaxea a la pintora... Avilés reivindica a Trinidad Fernández con mediu centenar... La esposición “Cuerpos albentestate” recueye la creatividá reivindicativa... La Factoría Cultural inaugura Y-LIFE, de Juan Falcón,... La esposición “Dos patries llevo comigo” fai alcordanza... Mieres pon en marcha’l programa de visites al... Una esposición amuesa la evolución de la muyer... Inaugurada la VII Esposición d’Arte Postal n’Avilés, con... El tercer Ciclu d’Ilustración de la Ventana de... Avilés recuerda’l so vertixinosu sieglu XX cola esposición...