Portada Escéniques Antenes Informatives despide cursu con una exhibición de Random K-Pop nel Edificiu Fueru d’Avilés

Antenes Informatives despide cursu con una exhibición de Random K-Pop nel Edificiu Fueru d’Avilés

by redacción asturnews

El grupu d’Antenes Informatives del serviciu de Mocedá del Conceyu d’Avilés pieslla’l cursu escolaresti vienres 2 de xunetu nel Edificiu Fueru dende les 17 hores a les 20 hores.con una exhibición de baille Random K-pop a la que llamen a sumase a la mocedá avilesina.

Les Antenes Informatives tán integraes por mocedá que nos centros educativos implíquense y desenvuelven unu llabor d’informador/a pa facilitar l’accesu a los programes qu’ufierta’l Serviciu de Mocedá y llegar a los distintos sectores y tramos d’edá de la población xuvenil, nos distintos barrios de la ciudá. Y pa despidir el cursu entamaron una exhibición de baille + Random K-Pop que va tener llugar esti vienres 2 de xunetu nel Edificiu Fueru dende les 17 hores a les 20 hores. Les inscripciones para participar yá tán abiertes y van ponese a disposición 10 places, siendo’l máximu de persones para un grupal de 6 mozos.

El K-pop ye un xéneru música coreana que ta influyíu pol pop, el jazz, el hip hop, el reggae y l’electrónica, ente otros. Surdió a principios de los 90 y dende esi momentu tuvo una crecedera esponencial, creando un movimientu cultural siguíu por millones de fans alredor del mundu.

Pa poder participar solo hai que mandar un corréu a informativasantenasgmail.com indicando’l nickname (nome col que quieren ser presentemos) o nome del grupu. Tamién tienen d’unviar l’arquivu d’audiu del cantar o mix que quiera baillase, indicando’l númberu de persones que formen el grupu.

Tamién te podria gustar