Ángela Molina va recibir el premiu Nacho Martínez del FICXixón

18 09:44 2009 Imprimir

Per octavu añu consecutivu, el Festival de Cine de Xixón entrega’l Premiu Nacional de Cinematografía Nacho Martínez, que se da n’alcordanza del actor asturianu, que finó en 1996. Esti añu, la valiosa escultura fecha pol artista Jaime Herrero va ser pa la actriz Ángela Molina.

La actriz madrilana axúntase asina a la llista de profesionales del mundu del cine que ganó esti gallardón n’ediciones anteriores como Mercedes Sampietro, Eusebio Poncela, Assumpta Serna, Marible Verdú y Marisa Paredes, ente otros.

Fía del actor y cantante Antonio Molina, esta andada actriz lleva a recostines más de tres décades rodando a los mandaos de direutores como Luis Buñuel, Luigi Comencini, José Luis Borau, Marco Bellocchio, Manuel Gutiérrez Aragón, Jaime Camino, Bigas Luna, Pedro Almodóvar, Ridley Scott, los hermanos Taviani o Lina Wertmüller, con un camín fechu qu’avala una de les trayectories cinematográfiques más afitaes y privilexaes del cine español.

Programa completu del 47 FICXixón

  Article "tagged" as:
  Categories:
Loading Facebook Comments ...