Portada Conceyos Ángel Díaz Soneira protagoniza una esposición fotográfica en Llugones

Ángel Díaz Soneira protagoniza una esposición fotográfica en Llugones

by redacción asturnews

Ángel Díaz Soneira protagoniza una esposición fotográfica en Llugones que lleva por títulu “Llugones: imaxes de dos sieglos” y va poder visitase na Casa de Cultura local hasta’l 29 de marzu.

Una esposición de fotografíes antigües de Llugones y les sos xentes va poder visitase na sala d’esposiciones del 2 al 29 de marzu. Ángel Díaz Soneira, vecín de la localidá, ye’l promotor d’esta esitosa amuesa que se celebra con cierta periodicidad.

La esposición va cuntar con unes 3.000 instantánees que diseccionan la vida y la crecedera de la localidá dende’l postreru terciu del sieglu XIX hasta los años 70 del sieglu XX.

D’esta forma, l’amuesa conviértese nuna fonte d’información de primer orde pa entender fenómenos tan importantes como’l cayente del modelu rural, la industrialización o la crecedera urbanística de la localidá. Tamién para repasar acontecimientos históricos como la Guerra Civil o la Dictadura, según para remembrar inmuebles y personaxes populares yá sumíos.

Horariu de visites:
– Llunes a sábadu, de 11.00 a 14.00 y de 17.00 a 20.00 hores
– Domingo: de 12.00 a 14.00 hores
Inauguración: Llunes 2 de marzu – 19.00 hores

– – – – –

Tamién te podria gustar