Andecha Astur lleva la discriminación llingüística esti día al Parlamentu Européu

Andecha Astur lleva la discriminación llingüística esti día al Parlamentu Européu
18 14:34 2015 Imprimir

Una delegación d’Andecha Astur participa nes “Xornaes de trabayu estratéxicu n’Europa – Los Pueblos Deciden”, y aconceya con representantes de la Comisión y el Parllamentu européu.

La delegación va tratar de los temes qu’agora mesmo tan activándose nel Parlamentu Européu al traviés del eurodiputáu de Los Pueblos Deciden, Josu Juaristi. Concretamente na xornada de güei miércoles, Llucía Fernández ta esponiendo la situación de discriminación que vive la llingua asturiana, exemplarizándola col reciente casu de discriminación elleutoral de les pasaes elleiciones nacionales y de conceyu nes que se retiraren les papeletes d’Andecha Astur por tar n’asturianu.

Otru de los  temes que van tratase ye’l d’El Musel. Concrétamente intentaráse conocer la postura de la Direición Xeneral de Política Rexonal sobro los fondos concedíos pola obra d’ampliación y que puen ser reclamaos si l’Audiencia Nacional, qu’investiga’l casu, “alcuentra prebaos los delitos investigaos a resultes del informe de la OLAF” comu consecuencia de la denuncia d’Andecha Astur.

Los Fondos Mineros, El Frackin o la situación na que s’atopa l’Autovía del Mar Xixón-Saint Nazaire tres el so pieslle completarán l’axenda que la dellegación d’Andecha Astur va desendolcar nos prósimos díis en Bruseles.

Loading Facebook Comments ...