Portada Conceyos Andecha Astur homenaxea en Llangréu la Revolución del 34

Andecha Astur homenaxea en Llangréu la Revolución del 34

by redacción asturnews
Cartelu Homenaxe al 34 en Llangréu cola semeya de Belarmino Tomás falando-y a la xente

Esti llunes 12 d’ohobre, Andecha Astur va cellebrar un actu d’homenaxe a la Revolución Asturiana y al Conseyu Soberanu, na figura del so presidente Belarmino Tomás en Pando (Llangréu).

Depués de 81 años de la Revolución Asturiana d’Ochobre’l 34, “xabazmente aplastada pola República española”, Andecha Astur convoca a un actu d’homenaxe a la mesma, na tumba de Belarmino Tomás, llider del movimientu obreru asturianu que participó activamente na propia Revolución Asturiana y que llegó a ser presidente del Conseyu Soberanu d’Asturies y Lleón.

Con esti actu, Andecha Astur fai reconocencia de la heroica llucha del Pueblu Trabayaor Asturianu pola llibertá y el socialismu, “torgada pola represión militar del Exércitu español, primero de la República y llueu del franquismu, llucha que se personifica na figura de Belarmino Tomás, permitiendo que l’homenaxe d’esti llunes seya de fechu un homenaxe al conxuntu del Pueblu Trabayaor Asturianu”.

L’actu tendrá llugar nel Cimenteriu Pando (Llangréu) de magar les 13 hores y va ser un actu col qu’Andecha Astur “contrapónse a la festividá istitucional del  “Díi de la Hispanidá” vindicando la soberanía y el socialismu p’Asturies”.

Tamién te podria gustar