Portada Hestoria Andecha Astur fadrá’l sábadu l’homenaxe al Conseyu Soberanu

Andecha Astur fadrá’l sábadu l’homenaxe al Conseyu Soberanu

by redacción asturnews
Andecha Astur convoca homenxe en Tarna al Conseyu Soberanu

Andecha Astur convoca pa esti sábadu 27 d’agostu un añu más, nel puertu Tarna en conceyu de casu, l’Actu d’Homenaxe a la Declaración de Soberanía del Conseyu Soberanu, cola qu’Asturies s’independizó de la República Española.

Nel Puertu Tarna, a la 1 del meudí del sábadu 27 d’agostu, nel monolitu comemorativu de la Declaración de Soberanía, tendrá llugar el tradicional actu d’ homenaxe a la Declaración de Soberanía del Conseyu Soberanu por mor de la qu’Asturies s’independizó de la República Española, entamando un auténticu procesu revolucionariu y de reconocencia a nivel internacional que defendió heróicamente coles armes frente al exércitu franquista español y los sos alliaos alemanes.

La convocatoria, qu’añu ente añu vien calteniendo Andecha Astur, supón na so opinión “un compromisu en defensa de la memoria hestórica asturiana como ferramienta imprescindible pa tresformar la rialidá. Agora más que nunca la defensa de la identidá nacional asturiana y de los drechos colleutivos del Pueblu Asturianu ye una necesidá frente a los enfotos asimilacionistes del Estáu español y de los partíos sucursalistes afincaos n’Asturies que, seyan de drecha o izquierda, comparten un mesmu proyeutu estatalista costruyíu enriba los drechos y la voluntá de los Pueblos”.

Andecha Astur fai como siempres “un llamamientu al conxuntu de la sociedá asturiana a recuperar los valores que llevaron al Pueblu Asturianu a asumir les riendes del so propiu destín, y lo mesmo que fixeron los nuesos antepasaos, a enfotase en sofitar y costruyir alternatives propies empobinaes a algamar la recostruición nacional y social d’Asturies”. La reivindicación d’esa fecha y esi fechu hestóricu enmárcase “dientru de la propia dinámica de recuperanza de la nuesa soberanía comu Pueblu, y per ende, del nuesu drechu a decidir llibre y democráticamente’l futuru ensin más llendes que les que voluntariamente querramos ponemos”.

Tamién te podria gustar