Andecha Astur albidra “insuficiente” la nueva normativa de pesca

La formación Andecha Astur, al traviés de les sos agrupaciones en zones salmoneres, comunicó que la nueva normativa de pesca ye pa ellos “insuficiente pa protexer el salmón asturianu” yá que según afirmen “pesie a les restriciones nel periodu captures con muerte y nel cupu captures por pescador, nun s’afronten les principales amenacies la especie: furtivismu, contaminación de les agües, accesos a los llugares de desove, pesca n’agües marines, insuficiente conocimientu sol ciclu de vida la especie…”. P’AA, “una vegada más el Gobiernu’l Principau reacciona tarde y mal”.