Portada Turismu Andalucía y Cataluña son los destinos turísticos nacionales preferíos n’España

Andalucía y Cataluña son los destinos turísticos nacionales preferíos n’España

by redacción asturnews

Andalucía foi la comunidá autónoma de destín del mayor númberu de viaxes domésticos n’España en 2019, con 32,72 millones de viaxes internos realizaos polos españoles a esta rexón. Cataluña foi la segunda comunidá autónoma más visitada y xunta la Comunidá Valenciana componen el tercetu de los destinos turísticos nacionales preferíos n’España.

El pasáu 21 de xunu España dexaba pa tras l’estáu d’alarma decretáu por causa de la pandemia de coronavirus y estrenaba la “nueva normalidá”. Nesta nueva etapa caltiénense ciertes midíes como l’usu obligatoriu de mázcaru na vía pública o les normes d’hixene y distancia física, pero tamién s’estrena una de les disposiciones más esperaes: la posibilidá de viaxar ente distintes comunidaes autónomes ensin llimitaciones.

destinos-turisticos-nacionales-2

Amás, el Gobiernu español presentó hai poco una campaña dientro del so plan pa rellanzar el turismu, coles mires de promocionar el turismu domésticu. Y ye que’l turismu nacional puede ayudar a recuperar el sector turísticu, unu de los más afectaos pola pandemia de coronavirus. Nesti nuevu escenariu nel que yá se puede percorrer el territoriu español llibremente y nel que se busca fomentar el turismu domésticu, resulta interesante saber cuálos son les comunidaes autónomes a les que más viaxen el españoles.

Como amuesa’l siguiente gráficu, Andalucía foi la comunidá autónoma de destín del mayor númberu de viaxes domésticos n’España en 2019, con 32,72 millones de viaxes internos realizaos polos españoles a esta rexón. Cataluña foi la segunda comunidá autónoma más visitada, con 25,26 millones de viaxes, siguida de la Comunidad Valenciana, a la que viaxaron 19,78 millones de vegaes el españoles el pasáu añu.

Fuente: https://es.statista.com

Tamién te podria gustar