Andalucía va ufiertar matrícula gratis a los universitarios qu’aprueben

Andalucía va ufiertar matrícula gratis a los universitarios qu’aprueben
12 xunu 12:53 2017 Imprimir

Andalucía va poner en marcha a partir de setiembre la so propuesta d’universidá pública y cuasi gratuita, al estilu de lo qu’asocede n’otros países centroeuropeos, n’anunciando que va bonificar al 99% el costu de la matrícula siempres que l’alumnu apruebe toles asignatures.

La iniciativa, que se va aplicar tanto a graos como a másteres, va tener un costu d’ente 25 y 30 millones según les estimaciones iniciales, y el dineru va apurrilu a la Universidá dientro del plan de financiamientu d’estos centros qu’anguaño s’axusta.

Tratase d’una de les propuestes estrella que la presidenta Susana Díaz llanzó esti miércoles pasáu demientres l’Alderique sobro l’Estáu de la Comunidá como exemplu de que la so esmolición ye la rexón, una vegada atayáu’l so intentu de saltu a la política nacional como líder del PSOE. Yá demientres la campaña de les primaries demostró’l so deséu por un modelu universitariu “que premie l’esfuerzu y blinde la igualdá”, anque finalmente nel documentu políticu quedó treslladáu en forma de préstamos de 24.000 euros a interés cero pa los estudiantes, lo que-y valió les crítiques inclusive dende les sos propies files pol so sesgu lliberal.

Agora, sicasí, esa midida queda desaniciada, y ponse en marcha una bonificación del costu de les asignatures col únicu requisitu de dir aprobando, esto ye, una nota mínima de 5. Y eso que la rexón cunta con unu de los precios más baxos del creitu universitariu: 12,62 euros nel casu del grau o 13,68 pa un máster habilitante.

D’esta forma, l’alumnu tendrá de pagar el primer cursu universitariu, salvu si correspuénde-y una beca del Estáu, y al añu siguiente, cada asignatura aprobada va equivalir a una asignatura casi de baldre, abonando un preciu simbólicu del 1%. La so intención, esplicó Díaz, yera la total gratuidá, pero supunxera “como de costume” la impugnación del Gobiernu central porque ye ésti l’encargáu d’afitar forqueta de precios, anque depués cada comunidá escueye’l costu final.

El nuevu sistema va entrar a valir yá’l próximu setiembre, cuidando que va dir incluyíu nel Decretu de Precios Públicos que cada añu, a empiezos de branu, aprueba’l Conseyu de Gobiernu. Díaz aseguró que con esta bonificación, de la que van poder beneficiase más de 30.000 estudiantes universitarios, “garantízase la igualdá d’oportunidaes”, cuidao que va dexar “miles d’estudiantes puedan siguir los sos estudios al marxe de los ingresos económicos de los sos padres y de los caprichos de dalgún ministru”, n’alusión a José Ignacio Wert, “que nun entendió que medio puntu en delles families p’aportar a les ayudes ye un proyectu de vida completu”.

Nesti sentíu, la bonificación del costu de matricula va ser compatible coles beques del Gobiernu central, que sí dependen del nivel de renta de los padres y que, en dellos casos, tán condicionaes al aprobáu.

  Categories: