Portada Música Anabel Santiago presenta’l so nuevu discu “Y_andá”

Anabel Santiago presenta’l so nuevu discu “Y_andá”

by redacción asturnews

Anabel Santiago presenta’l so nuevu discu, “Y_andá”, que pretende “llevar la música asturiana a les pistes de baille”. Na presentación, la cantante tuvo acompañada pola vicealcaldesa, Ana Taboada, el conceyal de cultura, Roberto Sánchez Ramos, y el músicu Javier Suárez.

El títulu escoyíu pal so últimu trabayu, “Y andá” ye la espresión cola qu’Anabel Santiago termina los sos cantares, una espresión que “da fuerza”, que significa “dar una puñada na mesa”. Asina lo dixo l’autora, Anabel Santiago, na presentación del discu na que tuvo acompañada pola vicealcaldesa, Ana Taboada, el conceyal de cultura, Roberto Sánchez Ramos, y el músicu Javier Suárez, más conocíu como Fruela 757, y que tuvo llugar esta mañana nel Salón de Té del Teatru Campoamor, un llugar que-y faía especial ilusión” porque “foi’l llugar que me vio nacer como artista, cuando tenía 13 años, col Concursu y Amuesa de Folclore Ciudá d’Uviéu”.

Esti supón l’octavu discu na so carrera nel mundu de la música, nel que lleva somorguiada yá 25 años. Anabel pretende romper cola tradición, quier “que’l conceutu clásicu acabe equí”.  Esti nuevu trabayu llega para remover les bases más fondiaes de la tradición y reescribiles, ye un “mestizaje” ente’l cantar tradicional asturiana y la música electrónica. El discu ye xuna collaboración colos artistes Fruela 757, Chus Naves, Emilio Fidalgo y Manuel Corderu, y ta a la vienta en plataformes dixitales, y a partir del xueves en tiendes físiques, a un preciu de 15 euros.

La so xira cunta yá con cinco paraes. En xineru va tar nel Auditoriu Valey de Piedres Blanques, en marzu va actuar nel centru Bocanegra de Piloña y nel Auditoriu de Mieres, y n’Abril en Madrid.

Tamién te podria gustar