Conceyos Ana Taboada llama a conceyu pal viernes al movimientu asociativu y vecinal d’Uviéu by redacción asturnews 16 de xunetu, 2015 written by redacción asturnews 16 de xunetu, 2015 38 Nuna nota de prensa asoleyada esti día, la Conceyala de Gobiernu de Tresparencia y Vicealcaldesa d’Uviéu, Ana Taboada, convoca al movimientu asociativu a una xunta que va tener llugar el vienres día 17 de xunetu, a les 18 hores na sala 1 del Auditoriu Príncipe Felipe (Llanta 3ª) pa presentar les llínees fundamentales d’esta Conceyalía “que se van dir implementando coles vueses imprescindibles aportaciones y propuestes”. A lo llargo de los caberos meses, Somos Uviéu ya caltuviera abondos contautos col movimientu asociativu, como na semeya onde aconceyaben col vecinal de Ventanielles. Tres la constitución de la nueva Corporación Municipal, Ana Taboada asumiera les competencies como Conceyala de Gobiernu de la Área de Tresparencia, Información y Participación, “coles mires d’impulsar n’Uviéu una participación ciudadana real y efectiva poniendo en marcha toes los mecanismos pa faela posible. Mientres enforma tiempu esta alministración incumplió sistemáticamente colos mandatos lexislativos establecíos na llamada Llei de grandes ciudaes, dando cuenta con ello de la falta d’interés en ser una alministración cercana, accesible y que dea voz a la ciudadanía nos problemes y cuestiones que los afecten directamente como son les que tienen que ver cola política municipalista”. Pa llogralo, la vicealcaldes diz querer empecipiar, “cuanto antes, el contactu con entidaes y colectivos como’l vuesu, yá que nun podemos escaecer que’l movimientu asociativu del conceyu ye una parte fundamental d’esti procesu, entendiendo que la participación ye un derechu ciudadanu, del que forma parte tamién la tresparencia na actuación de les alministraciones y l’información claro y preciso. Nun queremos ser una simple oficina d’información ciudadana y reclamaciones. Munches son les propuestes p’avanzar nesta concepción de ciudadanía activa y empoderada, y pallo cuntamos y pidímosvos cola vuesa collaboración pa esti proyectu”. 0 FacebookTwitterPinterestEmail Anterior La XE contesta-y a Andecha Astur que la sidre nun tien dengún preséu de mercáu específicu siguiente L’Academia de la Llingua Asturiana llamenta’l conteníu del alcuerdu PSOE-IX pa la investidura del Presidente del Principáu Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles