Portada Sociedá Ana Cano votó a favor del minor d’asturianu porque “nun sé dio otra posibilidá”

Ana Cano votó a favor del minor d’asturianu porque “nun sé dio otra posibilidá”

by asturnet

La presidenta de l’Academia de la Llingua Asturiana y ex Decana de Filoloxóa, Ana Cano, afirmó ayeri dempués de la Xunta de Facultá, nun entender por qué’l Decanatu “nun presentó a la votación de la Xunta de la Facultá d’esta mañana, la s antigua propuesta d’estudios de llingua asturiana, en llugar del Minor de 48 creitos”.

Esta postura foi refugada al aprobase una enmienda contraria del profesor Félix Fernández de Castro nel mes de mayu, motivu pol que Cano presentó la so dimisión como decana.

Pa Cano, “nun esiste nenguna razón de tipu llegal”, que torgare volver presentar l’anterior propuesta y amás aseguró que na Xunta, tres la so intervención, “tamapoco se-y ofreció nengún argumentu que lu xustificare”.

La presidenta de l’Academia afimar que va siguir calteniendo, “que’l Minor ye insuficiente dafechu de cara a la formación de profesores de Llingua Asturiana”. Sicasí, xustifica’l so votu en que “nun se dio otra posibilidá”, y añadió: “cómo voi votar a la escontra de dalgo qu’amás forma parte d’una propuesta del mio anterior equipu decanal”.

Per otra parte, énte la posibilidá de que nel futuru, y en función de la demanda que tenga’l Minor, se plantegue de nuevo la posibilidá de crear un Maior, Cano mostróse pesimista. Recordó que’l Títulu Propiu (estudios de postgráu que nesti momentu s’esixen a llicenciaos en Filoloxía y diplomaos en Maxisteriu pa poder ser profesores d’asturianu) nació en 1994 como dalgos provisional, hasta que s’integraren los estudios d’asturianu dientro de los planes de Filoloxía. Hubo poro qu’esperar 14 años pa que se llograre tal integración al traviés del Minor. “Yá vemos lo que da de sí la provisionalidá”, afirmó Cano.

Tamién te podria gustar