Portada Sociedá Ana Cano va presidir l’Academia de la Llingua Asturiana cuatro años más y col mesmu equipu

Ana Cano va presidir l’Academia de la Llingua Asturiana cuatro años más y col mesmu equipu

by asturnet

Una xunta estraordinaria de l’Academia de la Llingua Asturiana celebrada n’Uviéu esti vienres pasáu, 21 de xunu, decidió reescoyer como presidenta a de la institución a Ana María Cano González, que dirixe esta Institución dende’l 25 de mayu de 2001. La que ye la segunda presidenta na hestoria de la institución, dempués de venti años de gobiernu de Xosé Lluis García Arias, superará los 16 años al frente de la mesma al rematar esti mandatu, que ye de cuatro añor de duración.

Na dirección van acompañala, mesmo que na anterior etapa, Miguel Ramos Corrada como vicepresidente, Roberto González-Quevedo González como secretariu, Urbano Rodríguez Vázquez, como vicesecretariu, y Carlos Lastra, como ayalgueru.

L’Academia de la Llingua Asturiana (A.Ll.A.) ye la máxima institución llingüística del Principáu d’Asturies. Creóse en 1980 por Decretu del Conseyu Rexonal d’Asturies 33/1980 de 15 d’avientu y con Estatutos aprobaos pol mesmu muérganu por Decretu 9/1981, modificaos el 12 d’abril de 1995 (BOPA nu 136 de 14.6.1995).

L’Academia tien anguaño 23 miembros de númberu, 20 miembros correspondientes y 16 académicos d’honor. Los académicos nun perciben nenguna retribución nin pola so condición de talos nin polos cargos que desempeñen na Academia.

Miembros de númberu de l’ALLA

Tamién te podria gustar