Portada Conceyos Amplíase’l plazu pa los campamentos escolares d’Uviéu hasta’l domingu

Amplíase’l plazu pa los campamentos escolares d’Uviéu hasta’l domingu

by redacción asturnews

Énte la esistencia de places disponibles, la conceyalía d’Educación d’Uviéu esanició’l requisitu de que los dos proxenitores tean trabayando y darréu amplía’l plazu pa los campamentos escolares d’Uviéu hasta’l domingu.

La conceyalía d’Educación amplió’l plazu pa inscribise nos Campamentos Escolares d’esti branu 2020. El plazu ampliase hasta’l próximu domingu 28 a los  dolce de la nueche. Los comenenciudos pueden faer les sos inscripciones al traviés de la web del Conceyu d’Uviéu. La conceyalía d’Educación informa tamién de que s’esanicia’l requisitu de que los dos proxenitores tengan que tar trabayando, requisitu que teníen qu’acreditar namá con una declaración responsable de los padres, énte la esistencia de places disponibles nos campamentos que se van desenvolver en dellos colexos públicos de tola ciudá ente xunetu y agostu n’horariu mañaneru.

apertura verano coles 2020

Les families que se presentaren a la primer convocatoria y resultaren escluyíes por nun axuntar los requisitos establecíos na mesma, va ser necesariu que presenten xuna nueva solicitú.

Tola información en: https://www.oviedo.es/vive/educacion/actividaes-extraescolares/apertura-de centros escolares-en-vacaciones

Tamién te podria gustar