Ámpliase’l plazu del Cursu Básicu d’Asturianu en Xixón

El Conceyu Universitariu pol Asturianu (CUPA) anuncia qu’amplia’l plazu p’apuntase a la segunda edición de los Cursos Básicos d’Asturianu del CUPA hasta’l 16 d’ochobre.

Esta esperiencia formativa que llega a la so segunda edición entámase en collaboración cola Academia de la Llingua Asturiana y Caxa Rural.

El ritmu de matriculaciones nel Cursu d’Asturianu de Nivel I, que ye’l que pieslla’l plazu a finales de setiembre, ye bonu, pero entá queden delles places pa los interesaos n’esta esperiencia formativa.

Los cursos, que se va facer na sede del Conseyu de la Mocedá de Xixón (Avda. Manuel Llaneza 68), van entamar a partir d’ochobre nel casu del Nivel 1 y en payares el Nivel 2 y cuntando en dambos casos con 35 hores llectives.

CURSU BÁSICU D’ASTURIANU. NIVEL I

Llunes y miércoles, de 19 a 21 hores

-Empobináu a persones ensin conocimientos d’asturianu o con nivel baxu de conocencia

-Feches: 17 d’ochobre al 14 d’avientu de 2011

CURSU BÁSICU D’ASTURIANU. NIVEL II

Martes y xueves, de 19 a 21 hores

-Empobináu a persones que ficieren el primer nivel del cursu o tenga conocencia media d’asturianu y quieran afondar nes sos habilidaes llingüístiques

-Feches: 3 de payares a 15 d’avientu de 2011 & 10 a 26 de xineru de 2012

El preciu de la inscripción ye de 30 euros, incluyendo los materiales necesarios pa llevar alantre’l cursu, como’l manual “Xeitu”, que va sirvir de guía pal cursu y qu’asoleyó l’Academia de la Llingua Asturiana.

Les inscripciones pueden facese nel corréu lletrónicu conceyuasturianu@gmail.com o nel teléfonu 615 982 816, hasta’l 30 de setiembre nel casu del NIVEL I y hasta’l 30 d’ochobre nel casu del NIVEL II.